Schwäbische Liadr zom lache, deilweis au zom nochdenga ond au mol a bissle derb.

 sBemble

s'Bemble alias Bernd Lehrer hot 2018 mid schwäbische Liadr ogfanga. Deilweis selbr gschriaba und deilweis sen sen leidr von schwäbische Musigerkolega. Beglaide do i mi do mid dr Glampf. Wias beim Schwob so isch, blos mit 3 Akord. Me ko i no ned.

D‘r Bäbber:

A Bäbber isch a Doil was hentadruff bäbbig isch.

Nett älles was bäbbig isch, isch au a Bäbber.

Ischs vornadruff bäbbig, ischs dreckig, aber koin Bäbber.

A richtiger Bäbber isch erscht a Bäbber, wenner wo druffbäbbt.

Ond ohne dasses hentadruff bäbbig isch, bäbbst net ond isch deshalb au koin Bäbber.

Mr nemmt also a Stickle wo a Bäbber werra soll, machts hentadruff bäbbig ond no ischs a Bäbber.

Wenn a Bäbber wo druff bäbbt, no isch des Doil bebäbbt.

Scheene Bäbber nennt mer au Schdigger ond die werrad gsammelt.

So a Schdiggersammlung bschdeht braktisch aus lauter Bäbber.

Warom ganged Bina ned en Kirch? Dia sen inSekten!